top of page
Suche
  • AutorenbildClübbler

alli im zolli oder am Moorgestraich 2024

Aktualisiert: 8. März

liebi 10-ab-Vieri Clübbler

es goht nümm lang und es schlot widder 10-ab-Vieri z’Basel!

s'Clübbli mecht euch alli, unseri sehr gschätzte aktive

und passive Clübbler, härzlig iyhlaade mit uns dr Moorgestraich z’erläbe!

mr freye uns und kenne’s kuum me abwarte bis

es ändligg wider 10-ab-Vieri schloot!

unser sujet das joohr isch wie allewyl und immer meh

„s kunnt wie’s kunnt !“



unsere ablauf:

ab de 2Clübbler dräffe sich im grachykäller an dr hammerschdrooos 91. 

(dr iygang isch "hinterem" niidrige gebäude)

am 10-vor-Vierizien mr vor e rhyfälderhof

egge claraschdroos und hammerschdrooos


am 10-ab-Vieristehn mr zäme iyh, zünde unseri Clübbli lampe ah,

laufe ab und suuge dr Moorgestraich iyhne.

Fasnacht pur und unter beschde Frynde– was gits scheeners?


zwüsche sägsi und siibeni löse mr uns uff.

*********************************************************************************************************


nadyrligg sinn au gescht und Frynde härzligg ab de zwai am moorge

zum hock im grachykäller und zem Moorgestraich iyhglaade.

wenn de mit uns im zygli mechtsch mitlaufe denn leggsch e goschdyym

und e larve ah – und wenn de gar no dr plausch hätsch ins piccolo z'bloosez‘bloose

oder am drummle, denn nimm unbedingt s’inschdrumänt mit.

„was isch fyr Zyt...........?“

„zääh ab........Vieri!“

10-ab-Vieri Clübbli

„…unter beschde Frynde und well dr Moorgestraich mehr isch als numme e reservierte

disch und am Vieri iyschdoh!“

10-ab-Vieri Clübbli




0 Kommentare

Aktuelle Beiträge

Alle ansehen

Comments


bottom of page